ரவா தோசை செய்முறை

தேவையானவை:
ரவா 1 கப்
இட்லி மாவு or
அரிசி மாவு 1 கப்
மைதா மாவு 1 கப்
மிளகு 10
சீரகம் 1 டேபிள்ஸ்பூன்
பச்சைமிளகாய் 3
இஞ்சி 1 துண்டு
கறிவேப்பிலை சிறிது
-------
செய்முறை:

ரவையை 1 1/2 கப் தண்ணீரில் அரை மணிநேரம் ஊறவைக்கவும்.
இட்லி மாவையும் மைதாமாவையும் தண்ணீரில் கரைத்து உப்பு சேர்க்கவும்.
ஊறவைத்த ரவாவை அதனுடன் கலந்து சற்று நீர்க்க கரைக்கவும்.
மிளகு,சீரகம்,கறிவேப்பிலை மூன்றையும் எண்ணையில் பொறித்து போடவும்.
பச்சைமிளகாய்,இஞ்சி இரண்டையும் பொடியாக நறுக்கி பச்சையாக போடவும்.
-------
தோசைக்கல்லை அடுப்பில் வைத்து கல் காய்ந்ததும் மாவை கரண்டியில் எடுத்து
அள்ளி தெளித்த மாதிரி லேசாக ஊற்றி இருபுறமும் எண்ணைய் விட்டு மொறு மொறு என்று வந்ததும் எடுக்கவும்.

பாலக் பனீர்

சப்பாத்திக் கச்சேரிக்கு அருமையான பக்கவாத்தியம்.

பாலக் கீரை / பசலைக் கீரை - ஒரு கட்டு
பனீர் கட்டி - நூறு கிராம்
பெரிய வெங்காயம் - 2
பூண்டு - 5 பல்
இஞ்சி - சுண்டு விரல் நீளத் துண்டு ஒன்று
பச்சை மிளகாய் - 3
வெண்ணை (உப்பு போடாதது) - 3 டேபிள் ஸ்பூன்
உப்பு - 1 டேபிள் ஸ்பூன்
கடுகு - 1 டேபிள் ஸ்பூன்
ஜீரகம் - 1 டேபிள் ஸ்பூன்

கரம் மசாலா பொடி - 1 டேபிள் ஸ்பூன்
ரீபைண்டு எண்ணெய் - ஒரு பால் கரண்டி

பாலக் கீரையை நன்றாக அலம்பி சுத்தம் செய்து, வேக விட்டு மிக்சியில் குழைய அரைத்து வைத்துக் கொள்ளுங்கள். ஜாஸ்தி தண்ணீர் விட வேண்டாம்.

பன்னீரை க்யூப்-களாக / கொஞ்சம் நீளமாக நறுக்கிக் கொண்டு, நான்-ஸ்டிக் (அல்லது) இன்டாலியம் தவாவில் (தோசைக் கல்) வைத்து, ஒவ்வொன்றைச் சுற்றியும் துளித் துளியாய் எண்ணெய் விட்டு மிதமான தீயில் எல்லாப் பக்கமும் பொன்னிறமாகும் வரை மெதுவாக திருப்பி விட்டு தனியாக எடுத்து வைத்துக் கொள்ளுங்கள்.

பச்சை மிளகாய்-இஞ்சி-பூண்டை நல்ல விழுதாக அரைத்துக் கொள்ளுங்கள்.

வாணலியில் கடுகு ஜீரகம் தாளித்து, பொடியாக நறுக்கிய வெங்காயத்தை போட்டு சிவக்க வதக்கிக் கொள்ளுங்கள்.

அடுப்பை மிதமான தீயில் வைத்துக் கொண்டு, மீதி எண்ணெயை விட்டு, கரம் மசாலா, இஞ்சி பூண்டு மிளகாய் விழுது, உப்பு, எல்லாவற்றையும் போட்டு, பச்சை வாசனை போய், லேசாய் எண்ணெய் பிரிந்து வரும் வரை வதக்கவும்.

இதில் அரைத்து வைத்த பாலக் கீரையை போட்டு நன்றாக கலந்து விடவும்.

ஐந்து நிமிஷத்தில் கலவை நன்றாக இறுகி கொண்டு விடும். அப்போது அடுப்பை அனைத்து விட்டு, வறுத்து வைத்திருக்கும் பனீர் கட்டிகளை போட்டு, மெதுவாக திருப்பி விடவும்.

சூடாக இருக்கும் போதே, வெண்ணையை ஊற்றி லேசாக கலந்து வைக்கவும். சாப்பிட்ட அப்புறமும் அற்புதமான வாசைனைக்கும், வயிறும் மனசும் நிறைஞ்சிருக்கவும் நான் காரண்டி.

இதில் பெருங்காயம் கருவேப்பிலை கொத்தமல்லி எல்லாம் தவறிக் கூட போட்டு விட வேண்டாம். இயல்பான மணத்தை கெடுத்து விடும்.

-- 

மோர் குழம்பு

மிக எளிதில் தயார் செய்யக் கூடியதும், உடலுக்கு குளிர்ச்சியை தரக்கூடியதுமானதே மோர் குழம்பு.

இவையெல்லாம் தேவை

மோர் - ஒரு லிட்டர்
செளசெள காய் - 1
மஞ்சள் பொடி - சிறிதளவு
உப்பு - தேவையான அளவு
கடுகு, உளுத்தபருப்பு - ஒரு ஸ்பூன்
பச்சை மிளகாய் - 4
கறிவேப்பிலை- சிறிதளவு
சீரகம் - அரை ஸ்பூன்
சமையல் எண்ணெய் -தேவையான அளவு

இப்படி செய்யவும்

செளசெள காயை பொடியாக நறுக்கி தண்ணீர் விட்டு வேகவைக்கவும். பாதியளவு வெந்தபிறகு அரைத்த பச்சை மிளகாய், சீரகம், மஞ்சள் பொடி, உப்பு ஆகியவற்றைப் போட்டு கிளறவும்.

காய் நன்கு வெந்ததும் இறக்கி வைத்து ஆறவிடவும். பின்னர் மோரை அதில் கலந்து கறிவேப்பிலை, கடுகு உளுந்தபருப்பு தாளித்து கொட்டவும்

கேரட் சாதம்

பச்சரிசி ஒருவருக்கு தேவையான அளவு
கேரட் 4
பச்சை மிளகாய் 2
மிளகுப் பொடி 2 ஸ்பூன்
உப்பு தேவைக்கு ஏற்ப
எண்ணை தேவைக்கு ஏற்ப

செய்முறை :

முதல்ல சாதத்தை வச்சிடுங்க . ரொம்ப குழைய விடாதீங்க. கலவை சாதத்திற்கு நன்றாக இருக்காது. கேரட்டை நல்லா பொடி பொடியா துருவிக்கணும். இப்ப வாணலிய அடுப்பில் வைத்து எண்ணை ஊத்தி பிறகு கடுகு போடவும். கடுகு வெடித்தப்பிறகு , மிளகாயை கிள்ளி போட்டு வதக்கிக்கொள்ளவும். இப்ப துருவி வச்சிருக்க கேரட்டை வாணலியில் கொட்டி நன்றாக வதக்கவும். கேரட் நன்றாக வதங்கியப் பிறகு உப்பு மற்றும் மிளகுப் பொடி போட்டு நன்றாக கிளறவும்.

இப்ப தயாரா இருக்கும் சாதத்தை இந்த துருவலில் கொட்டி கிளறினால் சுவையான கேரட் சாதம் தயார்.சூடாக இருக்கும் பொழுது சாப்பிட்டால் அருமையா இருக்கும். மிளகுப் பொடி இன்னும் கொஞ்சம் தேவை என்ற போட்டுக் கொள்ளவும்.
ரொம்ப சுலபமான சத்தான சாதம் இது